|
Núskaré meqali: Torné Thuji Wext: 06/02/2010 01:07
|
ROZÊ XIZIRi
Asma rozé Xızıri, asma haştia. Asma doştia. Asma qomia.
Rozé Xızıri, (eve hosavo khan) werté asma Çeli de cérino.
Péynia çeli de qedino.
*-*
RAA MA DE XIZIRÊ MA
Weşia qomé ma de, caé Xızıri zof hirao, gırano, berzo…
Mevazé ke no ténia jargiéni rao.
Heya! Na rasta… Xızır raa ma de namo de gırano.
Namo de olliyo. Jargio...
Xızır zé Heq(tanrı) niyo.
Çinebiyaene ra var nékeno. Çinebiyaene ra thowa nédano.
Çıqa ke Xızır çinebiyaene ra var nékeno, sopa tenge de wayiro. Kam koti tenge de bımano, o hama lewe de hazır u nazıro.
Yé ma, kam, koti çıqa tenge de maneno
Khalé kokımi ra dest u phoşti wazeno
Qe paiz, zımıstan, usar, qe amnoni beno
Babao ulle Xızır ma dest de maneno
Qe puk u pukeleke de kora manené
Qe derya u dengız de ağwe sero bené
Kéy ke kewti ve tenge, hona bervené
Dest qelvi ser, taé béçhıke kele kené
Raa ma de, Désım de dı asmi zof eve qiymeté. Qiymetıniyé. Jargiyé.
1. Asma Gağani
2. Asma Xızıri
Asma Gağani asma lézimiya. Lézimi pers bené. Xatıré lézımu pers beno. Soné diaré zeyiu. Soné diaré lézımu…
Loqmeyi bené vıla werté lézımu de. Keti(-kete:hediye-) diné lézımu, diné der u cirani...
Hem ki çé de qalé pére beno. Her kes péra ho perseno.
Ded u bırazayi, xal u werezayi zuvini tayna rınd nas kené.
Roze cérino. Loqme dino. Miyaz beno vıla. Olli ré//Heqi ré sıkır beno. Serva rama dey... Serva rameta dey...
Çıke her keşi tıdarık u qulığé zımıstani diyo.
Koliyé ho esté. Adıré ho esto.
Werdé mal u gay esto. Velg u alef tıdarık kerdo...
Heme çi payiz ra kerdo zerre...
Nuné ho, qatığé ho(ron u toraq uzn.), werdé ho...
darberi(Meyvalar)
vasberi(otsu meyveler) u
perrupurri//zerzevat(sebzeler)
Omnani, payizi her kes gurino, qefelino. Wext cıré némaneno ke bıfıkriyo. Derdé kar u guré ho dero...
Ama payiz ke vérd ra, zımıstani heme kes zerre dero.
Zéde kes tevera niyo. Wexté ho zofo.
Nisené ro, qesey kené. Lawuku vané. Sanıku gos dané.
-*-
Gağan de serva lézımu, serva nas u dostu, serva qom u qebila wext esto...
*-*
ROZÊ XIZIRi
Asma rozé Xızıri, asma haştia. Asma doştia. Asma qomia.
Rozé Xızıri, (eve hosavo khan) werté asma Çeli de cérino.
Péynia çeli de qedino.
HETÊ QOMiE RA
Herkes oroşiyo-ra. Usari ré hona wext esto. Hona ke usar nébiyo, dısmeniye kami werte de esta, wedariyo.
Eke werté der u cirani de, eke werté péru de, eke werté aşiru de, eke werté qomu de...
Pir u rayveri, asma xızıri de ra u réçu raé. Cem u cematu deré. Mısletu deré.
Herdanu ané téhet. Zuvini ra kené hast.
Kam ke juyé bini de hast névo, nébiyo, nécérino cem u cematu... Raa Heqi ra véjino.
Mordemo ke raa horé wayir véjiyo
Hem ve huyo, hem wayiré raa heqiyo
Yé ma vané, kam RAA HEQi ra vérdiyo
Bızone ke Xızıro Khal cıra herediyo
-*-
Na asme, asma rozé XIZIRiya-/-Asma miyaz u QIRVANU zoniya
Asma bizerekuna... Asma qawuta... Asma şirénie u hewla wa...
Şirénie u hewla tılsım u sembolé haştiyé...
Gegane qesey beno ke xızıri se kerdo
Dest noro hewla, ya gosté péyeke berdo
Va Xızıro khal, qe keşi béğeyal meverdo
Maqa kam ke béğeyalo, roé ho merdo
XIZIR, raa ma de namo de gırano
DÊSIMIZ niya zono, niya vano
Asma rojiya, nefs cérino…-/- Tenge u wésanie zoniné…
Asma cem u cematuna
Asma haştie u huré amaéna...
Teng u xıravie wedardaene…
Dısmenie wedardaene
RAE RAA TÜYA, TI KE CIRÉ WAYİR VÉJİYA
Torné Thuji
|
Anzeige ausblenden? Jetzt kostenlos registrieren! |
|
|
|
|
|
